Վրացական գյուղում Ստալինի հուշարձանը զրկվել է գլխից

Վրացական Վարիանի գյուղում կանգնեցված Իոսիֆ Ստալինի՝ բազմիցս այլանդակված հուշարձանն անհայտ վանդալները գլխատել են: Այս մասին գրել է Vesti-ն։

Գյուղի մի քանի բնակիչների կողմից իր միջոցներով կանգնեցված հուշարձանն առաջին անգամ վնասվել է բացումից մի քանի օր անց՝ 2022 թվականի փետրվարին. նախ՝ «ժողովուրդների առաջնորդը» և «մարզիկների լավագույն ընկերը» պատել են կարմիր ներկով, իսկ հետո՝ մուրճերով ծեծել գլուխը։

Որոշ ժամանակ անց պատվանդանը վերականգնվել է, սակայն հունիսի 12-ի գիշերը հուշարձանը կրկին դարձել է որոշ վրիժառուների թիրախը, որոնք այն թողել են առանց գլխի։

Վարիանին Գորիից 13 կիլոմետր հեռավորության վրա է, որտեղ և ծնվել է Իոսիֆ Ջուղաշվիլին, ու որտեղ տեղադրվել է նմանատիպ հուշարձան։