Եղանակն՝ այսօր
ՀԱՊԿ ԱԳ ղեկավարները քննարկել են տարածաշրջանային և միջազգային զարգացումների ազդեցությունն Անդրկովկասում
Հավաքական անվտանգության պայմանագրի կազմակերպության անդամ երկրները շահագրգռված են տարածաշրջանային և գլոբալ մակարդակներում լարվածության թուլացմամբ։ Այս մասին հայտարարել է Բելառուսի արտաքին գործերի նախարար Սերգեյ Ալեյնիկը ՀԱՊԿ անդամ երկրների արտգործնախարարների խորհրդի նիստում, հայտնում է ԲելՏԱ-ն։
«Մենք բոլորս շահագրգռված ենք լարվածության թուլացմամբ ինչպես տարածաշրջանային, այնպես էլ գլոբալ մակարդակներում»,- ասել է նա։
Հաղորդվում է, որ նիստի շրջանակում ԱԳ ղեկավարները քննարկել են տարածաշրջանային և միջազգային իրավիճակի զարգացման միտումները, դրանց ազդեցությունը ՀԱՊԿ անվտանգության բոլոր տարածաշրջաններում՝ Արևմուտքում, Անդրկովկասում և Կենտրոնական Ասիայում։
«Ընդհանուր առմամբ, մենք իրավիճակը գնահատում ենք շատ լարված, որոշ դեպքերում՝ սպառնալից: Եվ դա չի կարող օրինական անհանգստություն չառաջացնել մեր բոլոր երկրների համար»,- ասաց Սերգեյ Ալեյնիկը։
«Ուրախալի է, որ միջազգային օրակարգի արդիական հարցերի վերաբերյալ մեր պետությունների մոտեցումները շատ առումներով շատ նման են»,- ասել է բելառուս նախարարը։
Նա նաև հավելել է, որ ՀԱՊԿ-ը միշտ եղել և մնում է պաշտպանական կառույց՝ ուղղված խաղաղությանը և, որ կազմակերպության բոլոր անդամները համախմբված են այդ հարցում:
Studio One