Վճռական գործողություններ կձեռնարկվեն Դոնի Ռոստովում իրավիճակի կայունացման ուղղությամբ․ Պուտին

12:30 • 24.06.23

Ռուսաստանի նախագահ Վլադիմիր Պուտինն իր ուղերձում հայտարարել է, որ Դոնի Ռոստովում վճռական գործողություններ կձեռնարկվեն իրավիճակը կայունացնելու համար: Պուտինի հայտարարությունը տարածել է Կրեմլի մամուլի ծառայությունը։

Ինչպես նշել է ՌԴ նախագահը, զինված ուժերը և պետական այլ գերատեսչություններն արդեն ստացել են անհրաժեշտ հրամանները, և այժմ իրականացվում են լրացուցիչ հակաահաբեկչական միջոցառումներ Մոսկվայում, Մոսկվայի մարզում և մի շարք այլ շրջաններում։ 

«Վճռական գործողություններ կձեռնարկվեն նաև Դոնի Ռոստովում իրավիճակի կայունացման ուղղությամբ։ Այնտեղ իրավիճակը մնում է բարդ։ Փաստացի արգելափակված է քաղաքացիական և ռազմական վարչության աշխատանքը», - հավելել է նա։

Ավելի վաղ, «Վագներ» մասնավոր ռազմական կազմակերպության տելեգրամյան ալիքը հայտնել էր, որ իրենց վերահսկողության տակ են վերցրել Դոնի Ռոստովի ու Վորոնեժի բոլոր ռազմական օբյեկտները։