Դատավոր չեն դառնում այդ պատմուճանը հագնելով կամ հրամանագիր ստորագրելով. Դավիթ Հարությունյան

Առաջին իսկ օրից ասել եմ, ոչ մի անսպասելի բան չկար, ոչ մի անակնկալի ես չէի սպասում, Կարեն Անդրեասյանից ոչ մի օբյեկտիվ ակնկալիք սպասել պետք չէ: Օբյեկտիվ ակնկալիքները կիրացվեն Մարդու իրավունքների եվրոպական դատարանում, այլ հարթակներում ու ընթացակարգերով:

Ասել է դատավոր Դավիթ Հարությունյանը, որի լիազորությունները այսօր ԲԴԽ նիստում դադարեցրին:

«Կարեն Անդրեասյանը նույնիսկ ներկայացուցիչ չի եղել դատարանում, ուր մնաց դատավոր լինի: Դատավոր չեն դառնում այդ պատմուճանը հագնելով կամ հրամանագիր ստորագրելով: Եթե անձը դատավոր է, որպես դատավոր է աշխատում, պետք է մինչև վերջին օրը, վերջին պահը շարունակի դատավոր լինել:

Պետք է ԲԴԽ-ն դատավորների համար օրինակ ծառայի, բայց լրիվ հակառակնա լինում, ինչպես որ ականատես եղանք»,- ասել է նա: