Ռուսաստանը 2-րդ գիշերն անընդմեջ անօդաչուներով հարձակվել է Կիևի վրա

Ռուսաստանը երկրորդ գիշերն անընդմեջ անօդաչու սարքերի հարձակումներ է իրականացրել Ուկրաինայի մայրաքաղաք Կիևի և Կիևի մարզի վրա, չորեքշաբթի հայտարարել է Ուկրաինայի զինված ուժերը:

Ըստ ուկրաինացի զինվորականների նախնական տեղեկությունների, զոհերի կամ խոշոր ավերածությունների մասին տեղեկություններ չկան, գրում է The Guardian-ը։

Reuters-ի ականատեսները Կիևում լսել են պայթյուններ, որոնք նման են եղել հակաօդային պաշտպանության համակարգերի՝ օդային օբյեկտներ որսալու ձայնին: 

Կիևում ավելի քան երկու ժամ օդային տագնապ է հնչել:

Ըստ korrespondent.net-ի՝ ընդհանուր առմամբ հարվածին մասնակցել է 15 կամիկաձե անօդաչու թռչող սարք։ Դրանցից 11-ը ոչնչացվել է ՀՕՊ-ի կողմից:

Նշվում է, որ նախորդ գիշեր Ռուսաստանը 28 անօդաչու սարք է ուղարկել Կիևի և Օդեսայի  ուղղությամբ, իսկ Ուկրաինայի հակաօդային պաշտպանությունը խոցել է «Շահեդ» անօդաչուներից 26-ը: