ՌԴ դեսպանը կանչվել է Իրանի ԱԳՆ

Իրանի ԱԳՆ-ն այսօր՝ հուլիսի 12-ին, կանչել է ՌԴ դեսպան Ալեքսեյ Դեդովին։ Պատճառը Թեհրանի անհամաձայնությունն է Ռուսաստանի և Պարսից ծոցի արաբական երկրների միջև ռազմավարական երկխոսության նախարարական հանդիպման արդյունքներով համատեղ հայտարարությանը, գրում  է kommersant.ru-ն։

Խոսքը փաստաթղթում նշված Պարսից ծոցի երեք կղզու մասին է՝ Աբու Մուսա, Մեծ Դամբարան և Փոքր Դամբարան, որոնց տարածքային պատկանելությունն Իրանին վիճարկում է ԱՄԷ-ն։

Իրանի արտգործնախարարության ղեկավարի օգնական Ալիռեզա Էնայաթին ՌԴ դեսպանին ասել է, որ նշված կղզիները «հավերժ պատկանում են Իրանին», ինչպես նաև «Ռուսաստանից պահանջել է փոխել իր դիրքորոշումն այս հարցում»։

Նա կոչ է արել Դեդովին «փոխանցել Իրանի առարկությունները Ռուսաստանի և Պարսից ծոցի համագործակցության կազմակերպության համատեղ հայտարարության բովանդակության վերաբերյալ»։