Դավիթ Բեկի փողոցում բախվել են Hyundai ավտոբուսն ու Ford Transit բեռնատարը, այնուհետև բախվել են կայանած Toyota և Mercedes-Benz ավտոմեքենաներին (լուսանկարներ)

Հուլիսի 18-ին, ժամը 15։34-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավիթ Բեկի փողոցում տեղի է ունեցել ՃՏՊ՝ բախվել են ավտոմեքենաներ. կա արգելափակված քաղաքացի։ Այս մասին հայտնել է ՀՀ ներքին գործերի նախարարության փրկարար ծառայությունը։

«Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ բախվել են «Hyundai» մակնիշի ավտոբուսն ու «Ford Transit» մակնիշի բեռնատարը (վարորդ՝ Ա․ Ա․) և այնուհետև բախվել կայանած «Toyota» և «Mercedes-Benz» մակնիշների (վարորդ՝ Զ․ Մ․) ավտոմեքենաներին:

«Ford Transit» մակնիշի բեռնատարի ուղևոր Ա․ Փ․-ն (ծնված 1981 թ.) հոսպիտալացվել է «Էրեբունի» ԲԿ, որտեղ բժիշկները նրա առողջական վիճակը գնահատել են միջին ծանրության:

Փրկարարները հոսանքազրկել են «Ford Transit» մակնիշի բեռնատարը»,- ասված է հաղորդագրության մեջ: