Զապորոժիեի մարզում վիրավորվել են «Իզվեստիա»-ի թղթակիցն ու օպերատորը

Ուկրաինայի Զինված ուժերի կողմից Զապորոժիեի շրջանում գնդակոծության հետևանքով վիրավորվել են «Իզվեստիա» հեռուստաալիքի թղթակիցն ու օպերատորը, տուժածներին ցուցաբերվում է ողջ անհրաժեշտ օգնությունը։

Այս մասին հայտնում է ՏԱՍՍ գործակալությունը։

«Իզվեստիա»-ի թղթակից Ռոման Պոլշակովը և հեռուստաալիքի օպերատոր Դմիտրի Շիկովը վիրավորվել են, նրանց բուժօգնություն է ցուցաբերվում»,- հաղորդել է հեռուստաալիքի Telegram ալիքը։

Նշվում է, որ թղթակիցն ունի բեկորային վնասվածքներ, օպերատորը ևս ունի բեկորային վնասվածներ և ազդրոսկրի կոտրվածք:

Ուկրաինայի զինված ուժերի գնդակոծության տակ են հայտնվել նաև ՏԱՍՍ-ի լրագրողները։