Եղանակն՝ այսօր
Չեմ ընդունում այն մոտեցումը, թե ՊՆ–ն ինչ ուզել է, տվել են. Դավիթ Տոնոյանը՝ Նիկոլ Փաշինյանի հայտարարության մասին
ՊՆ նախկին նախարար Դավիթ Տոնոյանը չի ընդունում վարչապետ Նիկոլ Փաշինյանի հայտարարությունը, թե ՊՆ–ն ինչ ուզել է, տվել են։
«Ես՝ որպես կառավարության անդամ, ՀՀ վարչապետի առջև անիրատեսական հարցեր չեմ բարձրացրել, և իմ բարձրացրած հարցերը ստացել են հստակ պատասխաններ և լուծումներ։ Ես աշխատել եմ վստահության մթնոլորտում»,- Ազգային ժողովի 44-օրյա պատերազմի հանգամանքներն ուսումնասիրող քննիչ հանձնաժողովի նիստում ասաց նա։
Տոնոյանը չի ընդունում այն մոտեցումը, որ ինչ ուզել են՝ տվել են։
«Ես այդպես չէի ձևակերպի»,- ասաց նա և հավելեց, որ վարչապետի կողմից չի նկատել որևէ խոչընդոտ իր պաշտոնական գործառույթների իրականացման ընթացքում։
«Բավարարվա՞ծ եք»,- նշեց Դավիթ Տոնոյանը՝ խոսքն ուղղելով ՔՊ-ական պատգամավորին։
Հիշեցնենք, որ 44-օրյա պատերազմի հանգամանքները քննող հանձնաժողովի նիստում Նիկոլ Փաշինյանը հայտարարել էր, որ ինքը` որպես քաղաքական իշխանություն, բանակին ասել է` «Ձեզ ինչ է պետք, դուք դա կունենաք»։
Studio One