Եղանակն՝ այսօր
Խաղաղապահներն ակտիվ միացել են հանգուցալուծումների որոնման գործընթացին. Զախարովան՝ Հայաստանից Արցախ ուղարկված մարդասիրական բեռի մասին
Չնայած, որ Լեռնային Ղարաբաղ մարդասիրական բեռներով ավտոշարասյան ուղարկումը համաձայնեցված չի եղել Ադրբեջանի հետ, այնուամենայնիվ, ռուսական խաղաղապահ զորակազմն ակտիվ միացել է հանգուցալուծումների որոնման գործընթացին և մշտական կապ է հաստատել երկու կողմի հետ, ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Այս ֆոնին ռուս խաղաղապահների հասցեին ցանկացած մեղադրանք ոչ արդյունավետ ենք համարում... Կապեր են հաստատվել, և, կարծում եմ, դրանք կտան իրենց արդյունքները»,- ասել է նա։
Բացի այդ, Զախարովան կրկին կոչ է արել անհապաղ ապաարգելափակել Լաչինի միջանցքը և ապահովել տեղի բնակչության կենսագործունեության համար նորմալ պայմանները:
«Իհարկե, շատ բան կախված է քաղաքական կամքիվ, փոխզիջումային քայլերի գնալու պատրաստակամությունից: Այս դեպքում լարվածությունը կարող է թուլանալ: Դրա համար մենք երկու կողմի հետ աշխատում ենք»,- ասել է նա։
Հիշեցնենք, որ անցած տարվա դեկտեմբերից Ադրբեջանը փակել է Արցախը Հայաստանին կապող միակ ճանապարհը՝ Լաչինի միջանցքը, ինչի հետևահնքով Արցախում ծայրահեղ ծանր մարդասիրական իրավիճակ է ստեղծվել։ Հուլիսի 26-ին Հայաստանը մոտ 400 տոննա մարդասիրական օգնություն է ուղարկել սննդամթերքով և դեղորայքով։ Այս պահին մեքենաները կանգնած են Լաչինի միջանցքի մուտքի մոտ։
Studio One