Հուլիս ամսին ՍԱՏՄ սահմանային վերահսկողության արդյունքում որոշ երկրներից մսամթերքի մի շարք տեսակների ներմուծումը ՀՀ արգելվել է

Հուլիս ամսին ՀՀ սննդամթերքի անվտանգության տեսչական մարմնի սահմանային վերահսկողության արդյունքում, լաբորատոր անհամապատասխանության հիմքով, արգելվել է ՀՀ ներմուծել սննդամթերքի որոշ տեսակներ։ Ինչպես հայտնում են ՍԱՏՄ-ից, արգելվել է հետևյալ սննդամթերքի ներմուծումը․

Հնդկաստանից գոմեշի միս՝ 51480 կգ, ախտածին մանրէներ, այդ թվում սալմոնելաներ ցուցանիշով։

Դանիայից թռչնամիս՝ 26744 կգ, լիստերիա (Listeria monocytogenes) ցուցանիշով։

Ուկրաինայից թռչնամիս՝ 6565 կգ, ախտածին մանրէներ, այդ թվում` սալմոնելաներ ցուցանիշով։

Բրազիլիայից խոզի միս՝ 62072,43 կգ, որից 36580 կգ-ը ախտածին մանրէներ, այդ թվում սալմոնելաներ ցուցանիշով, իսկ 25492,43 կգ-ը լիստերիա (Listeria monocytogenes) ցուցանիշով։