Աբխազիայի նախագահը հոսպիտալացվել է Ռուսաստան կատարած այցի ժամանակ

Մասնակիորեն ճանաչված Աբխազիայի նախագահ Ասլան Բժանիան հոսպիտալացվել է Մոսկվայի բժշկական հաստատություններից մեկում՝ Ռուսաստանի մայրաքաղաք կատարած այցի ժամանակ։

Նախագահի մամուլի ծառայությունը հայտնել է, որ քաղաքական գործչի կյանքին և առողջությանը վտանգ չի սպառնում։

«Պետության ղեկավարը, առողջական վիճակի վատթարացման հետ կապված, դիմել է բուժհաստատություն, որտեղ այժմ անհրաժեշտ հետազոտություն է անցնում»,- ասված է հաղորդագրության մեջ։

Ասլան Բժանիայի մոտ ախտորոշվել է «ուրոլիտիազի սրացում»։ Թե որքան նա կմնա Մոսկվայի հիվանդանոցներից մեկում, չի նշվում։ Թե ինչով է պայմանավորված Աբխազիայի նախագահի այցը Ռուսաստան, նրա մամուլի ծառայությունը նույնպես չի հայտնել։