Ալիևը ՌԴ դեսպանի հետ քննարկել է Հայաստանի հետ հարաբերությունների կարգավորումն ու խաղաղության պայմանագրի շուրջ վիճակը

Օգոստոսի 10-ին Ադրբեջանի նախագահ Իլհամ Ալիևն ընդունել է Ռուսաստանի Դաշնության նորանշանակ արտակարգ և լիազոր դեսպան Միխայիլ Եվդոկիմովի հավատարմագրերը։

Ինչպես հաղորդում է ԱՊԱ-ն, այնուհետեւ երկրի ղեկավարը զրուցել է դեսպանի հետ։

Հանդիպմանը քննարկվել են Ադրբեջանի և Հայաստանի միջև հարաբերությունների կարգավորումը և խաղաղության պայմանագրի շուրջ բանակցային գործընթացի ներկա վիճակը։