Եղանակն՝ այսօր
Տիգրան Ավինյանը հուշամեդալներ է շնորհել շինարարության ոլորտի նշանավոր ներկայացուցիչներին (լուսանկարներ)
Երևանի փոխքաղաքապետ Տիգրան Ավինյանը երեկ՝ օգոստոսի 11-ին, մասնակցել է շինարարների օրվան նվիրված տոնական միջոցառմանը և Երևանի անունից հուշամեդալներ շնորհել շինարարության ոլորտի նշանավոր ներկայացուցիչներին։
Այս մասին նա հայտնել է իր պաշտոնական ֆեյսբուքյան էջում։
Ինչպես նշել է Երևանի քաղաքապետի տեղակալը, քաղաքաշինության ոլորտում ներդրած նշանակալի ավանդի համար «Արգիշտի առաջին» հուշամեդալով է պարգևատրվել ՃՇՀԱՀ շինարարական մեխանիկայի ամբիոնի վարիչ, ԳԱԱ ակադեմիկոս, տեխնիկական գիտությունների դոկտոր, պրոֆեսոր Էդուարդ Խաչիյանը:
«Երևան քաղաքի պատվավոր շինարար» կոչմանն են արժանացել «Շինվեկտոր» ՍՊԸ տնօրեն Կարեն Գասպարյանը և «Միկշին» ՍՊԸ տնօրեն Տիգրան Հարությունյանը:
«Դե իսկ Էրեբունի Երևան 2800-ամյակի հուշամեդալով պարգևատրվեցին ՀՀ քաղաքաշինության կոմիտեի նախագահի խորհրդական Արտավազդ Թարխանյանը և Երևանի քաղաքապետարանի աշխատակազմի շինարարության և բարեկարգման վարչության պետ Խորեն Գրիգորյանը», - հավելել է Ավինյանը։
Studio One