Մախաչկալայի գազալցակայաններից մեկում հզոր պայթյուն է որոտացել. զոհերի թիվը հասել է 35-ի. (լուսանկարներ, տեսանյութ) (թարմացվող)

12:25

Մախաչկալայում գազալցակայանում տեղի ունեցած հզոր պայթյունի զոհերի թիվը հասել է 35-ի։ Այս մասին հայտնել է ՌԴ ԱԻՆ-ը։

«Մախաչկալայում հրդեհի վայրում հայտնաբերվել է ևս 5 մարդու դի։ Զոհերի ընդհանուր թիվը կազմել է 35։ Ռուսաստանի ԱԻՆ-ի աշխատակիցները շարունակում են որոնողափրկարարական աշխատանքները», - ասված է ՌԴ ԱԻՆ-ի թելեգրամյան ալիքում։

11։20

Մախաչկալայում գազալցակայանում տեղի ունեցած պայթյունի զոհերի թիվն ավելացել է՝ հասնելով 30-ի։ Այս մասին հայտնել է ՌԴ ԱԻՆ-ը։

«Մախաչկալայում փրկարարական աշխատանքների ընթացքում հայտնաբերվել է ևս 3 զոհի դի։

Հստակեցված տեղեկության համաձայն՝ գազալցակայանում բռնկված հրդեհի հետևանքով տուժել է 105 մարդ, նրանցից 30-ը՝ զոհվել», - ասված է ՌԴ ԱԻՆ-ի թելեգրամյան ալիքում։

10։00

Դաղստանի Մախաչկալա քաղաքի գազալցակայաններից մեկում օգոստոստի 14-ի երեկոյան հզոր պայթյուն է որոտացել, կան տասնյակ զոհեր ու տուժածներ, հաղորդում է ՌԻԱ Նովոստին։

Նշվում է, որ Մախաչկալայի ծայրամասում գտնվող ավտոսպասարկման կետում հրդեհ է բռնկվել, ինչից հետո պայթյուն է որոտացել։ Ըստ ՌԴ ԱԻՆ-ի հաղորդած տվյալների՝ հրդեհն ընդգրկել է ավելի քան 500 քմ տարածք։

Ինչպես հաղորդել է Դաղստանի ղեկավար Սերգեյ Մելիքովն օպերատիվ շտաբի նիստի ժամանակ, վերջին տվյալներով՝ պայթյունի հետևանքով զոհվել է 27 մարդ, տուժել՝ ավելի քան 100-ը։ Հայտնի է, որ զոհերից երեքը երեխաներ են։

«Բժշկական օգնության համար դիմել է 102 մարդ։ Ժամը 06:00-ի (Մոսկվայի ժամանակով) դրությամբ՝ բուժհաստատություններում կա 65 մարդ, որոնցից 11-ը երեխաներ են»,- նշել է Մելիքովը։

<iframe title="Махачкала! Момент ВЗРЫВА