Ադրբեջանի կողմից գերեվարված զինծառայողի համար ՀՀ կառավարությունը դիմել է Եվրոպական դատարան․ Հասմիկ Սամվելյան

Երեկ Ադրբեջանի կողմից գերեվարված զինծառայողի համար ՀՀ կառավարությունը դիմել է Եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով:

Այս մասին Tert.am-ին տեղեկացրեց Միջազգային իրավական հարցերով ՀՀ ներկայացուցչի գրասենյակի մամուլի խոսնակ Հասմիկ Սամվելյանը։

Նշենք, որ ՊՆ-ի հաղորդմամբ՝ պահեստազորային Գ. Ո.-ն, նախնական տվյալներով, ինքնակամ թողել է մարտական դիրքը, բայց ավելի  ուշ հրապարակված տեսանյութից հայտնի դարձավ, որ ադրբեջանցիները նրան գերեվարել են:

Ի դեպ, Միջազգային իրավական հարցերով ՀՀ ներկայացուցչի գրասենյակի մամուլի խոսնակը նաև հայտնեց, որ Վագիֆ Խաչատրյանի գործով դատարանի սահմանած ժամկետում  հայկական կողմը ներկայացրել է իր առարկություններն ու դիրքորոշումները։

Հիշեցնենք, որ Արցախի բնակիչ Վագիֆ Խաչատրյանին  հուլիսի 29-ին  առևանգել են Ադրբեջանի սահմանապահ ծառայության ներկայացուցիչները։  Նա Հայաստան էր գալիս Կարմիր խաչի աշխատակիցների ուղեկցությամբ՝ վիրահատության նպատակով: