Թրամփը հայտարարել է, որ Ատլանտայի դատախազը քաղաքը պատերազմական գոտի է դարձրել

ԱՄՆ նախկին նախագահ Դոնալդ Թրամփը կարծում է, որ Ատլանտայի Ֆուլթոն շրջանի դատախազ Ֆանի Ուիլիսը, ով գլխավորում է Սպիտակ տան նախկին ղեկավարի դեմ հարուցված նոր գործը, թույլ է տվել քաղաքը վերածել պատերազմական գոտու, որտեղ արձանագրվել են սպանություններ և բռնություններ, իսկ հանցագործները գործնականում չեն պատժվում։

«Անհաջող շրջանի դատախազ Ֆանի Ուիլիսը թույլ տվեց Ատլանտան (Ֆուլթոն շրջան) վերածվել պատերազմական գոտու՝ սահմանելով սպանությունների և բռնությունների ռեկորդներ՝ առանց պատժի»,-գրել է նա Truth Social-ում: