ԱՄՆ-ը սպասում է ձմռանը, որպեսզի համալրի Ուկրաինայի զենքի պաշարները․ WP

Միացյալ Նահանգների պաշտպանության նախարարությունը սպասում է ձմռանը, որպեսզի համալրի Ուկրաինայի զենքի պաշարները։ Գրել է The Washington Post թերթը՝ հղում անելով Պենտագոնում իր աղբյուրին։

Ըստ թերթի՝ ԱՄՆ պաշտպանության նախարարությունը մտադիր է ձմռանը մեծացնել զինամթերքի արտադրությունը և աջակցել Ուկրաինայի զինված ուժերին՝ հուսալով նվազեցնել ռազմական գործողությունների ինտենսիվությունը։

The Washington Post-ի զրուցակցի կարծիքով՝ սա ռազմական գործողությունների հանգստություն է, որը թույլ կտա ԱՄՆ-ին «հասնել բաց թողածին»: Սակայն ընդմիջումը կարող է թույլ տալ ռուսական զորքերին նաև վերազինվել և ամրապնդել իրենց պաշտպանական գծերը։ 

The Washington Post-ը նաև գրել է, որ ԱՄՆ-ը կարող է խնդիրներ ունենալ՝ կապված զենքի և տեխնիկայի արտադրության բարձր մակարդակի պահպանման հետ ոչ միայն Ուկրաինայի համար, այլև սեփական անվտանգությունն ապահովելու համար։ Խոսքը քիմիական նյութերի և պայթուցիկ նյութերի մասին է, որոնց համաշխարհային դեֆիցիտ կա։

Օգոստոսի 14-ին ԱՄՆ պաշտպանության նախարարությունը հայտարարել էր Ուկրաինային 200 մլն դոլարի չափով ռազմական օգնության նոր փաթեթ հատկացնելու մասին։ Սա  44-րդ անընդմեջ տրանշն է։ Վերջերս ԱՄՆ նախագահ Ջո Բայդենը դիմել էր Կոնգրեսին՝ Ուկրաինային լրացուցիչ 20 միլիարդ դոլար օգնություն տրամադրելու համար։

Ըստ թերթի՝ որոշ կոնգրեսականներ դեմ են արտահայտվել Ուկրաինային ռազմական օգնության նոր փաթեթին՝ հակահարձակման վերաբերյալ ԱՄՆ հետախուզության կանխատեսումից հետո։