Եղանակն՝ այսօր
Երեխայի բուժզննման համար գումար են պահանջում. քաղաքացու ահազանգի հետքերով
Ֆեյսբուքյան տարբեր օգտատերեր գրառումներ են կատարում, նշելով, որ իրենց երեխային աշխատանքային ժամին հիվանդանոցում զննելու համար գումար են պահանջում և, որ իրենք չեն կարողանում օգտվել պետպատվերից:
Tert.am-ը զրուցել է Առողջապահության նախախարության մամուլի խոսնակ Հռիփսիմե Խաչատրյանի հետ, ով պարզաբանել է, թե ինչումն է խնդիրը, և ինչպես է պետպատվերի կարգը աշխատում:
Առողջապահության նախարարությունն ունի կարգավորում:
«Անհետաձգելի դեպքերում, եթե իհարկե խոսքը այն մասին է, որ ստացիոնարում պառկելու խնդիր կա, ապա լինում է անվճար:
Բայց եթե պոլիկլինիկական առաջին օղակի ստուգման մասին է խոսքը, այդ դեպքերում հաճախորդին տեղեկացնում են, որ դուք անհետաձգելի միջամտության, բուժօգնության կարիք չունեք, կոնսուլտացիոն բնույթ է կրում այցը, դրա համար ըստ կարգի պիտի վճարվի»,- ասել է նա:
Ըստ խոսնակի սա նոր բան չէ, ի սկզբանե եղել է:
«Դրա համար մենք ասում ենք՝ առաջին օղակ, առաջին օղակից ուղեգրում, ուղեգրի միջոցով արդեն հիվանդանոց: Այսպես քաղաքացին կկարողանա օգտվի իր բալիկի պետպատվերի իրավունքից:
Եթե օրինակ բալիկը ջերմում է, ու աշխատանքային ժամի բալիկին տանում են հիվանդանոց, ու եթե բալիկը ունի միայն զննելու և ուղղորդելու կարիք, դա կոնսուլտացիոն բնույթ է կրում, ու այս դեպքում հիվանդանոցը պիտի գումար ուզի:
Իսկ եթե արդեն կա ուղեգիր ու անհետաձգելի միջամտության կարիք կա, բալիկը բնականաբար օգտվում է պետպատվերից»,- մանրամասնել է նա:
Studio One