Հունաստանի այրվող անտառում հայտնաբերվել է 26 միգրանտի դի

Հունաստանի Ալեքսանդրուպոլիս քաղաքից հյուսիս-արևելք՝ Թուրքիայի հետ ցամաքային սահմանին մերձակա Դադիաս այրվող անտառում 26 մահացած միգրանտ է հայտնաբերվել։ Գրել է Newsit.gr կայքը։

Քանի որ տեղի բնակիչների անհետացման մասին հաղորդումներ չեն եղել, իրավապահ մարմինները կարծում են, որ հայտնաբերել են միգրանտների դիերը։

Դադիասի անտառը 3 օր այրվում է։

Այսօր ավելի վաղ Հունաստանի հրշեջ ծառայությունը հայտնել էր 18 դիի հայտնաբերման մասին։

Հրշեջ ծառայությունից հայտնել են, որ Դադիասի շրջանի բնակիչների նախօրեին բջջային հեռախոսներին հաղորդագրություն է ուղարկվել շտապ տարհանման մասին։