Իրանը դեմ է տարածաշրջանում սահմանների աշխարհաքաղաքական որևէ փոփոխության. Իրանի Ազգային անվտանգության բարձրագույն խորհրդի քարտուղարը՝ Թուրքիայի ԱԳ նախարարին

Իրանի Ազգային անվտանգության բարձրագույն խորհրդի քարտուղար Ալի Աքբար Ահմադիանը, Թուրքիայի արտգործնախարար Հաքան Ֆիդանի հետ Թեհրանում հանդիպման ժամանակ, քննրակել է տարածաշրջանային անվտանգության հարցեր, գրում է mehrnews.com-ը:

Իրանցի պաշտոնյան անդրադարձել է կովկասյան տարածաշրջանում տեղի ունեցող զարգացումներին՝ ընդգծելով Իրանի Իսլամական Հանրապետության դեմ լինելը տարածաշրջանում սահմանների աշխարհաքաղաքական որևէ փոփոխության:

Միևնույն ժամանակ Ահմադիանը նշել է, որ Կովկասում նոր՝ «3+3» ձևաչափի ստեղծումն արդյունավետ միջոց կլինի տարածաշրջանի երկրների միջև առկա թյուրըմբռնումները հարթելու համար։