Եղանակն՝ այսօր
Տպավորություն է, որ 500 մանկապարտեզի ծրագիր էլ դուք եք անելու. Փաշինյանը՝ գլխավոր դատախազին
Նիկոլ Փաշինյանը կառավարության նիստում հայտնեց, որ Գլխավոր դատախազությունում գործեր են քննվում Երևանի թվով 24 մանկապարտեզի վերաբերյալ։
Դրանք այն մանկապարտեզներն են, որոնք առերևույթ նախնական տվյալներով ապօրինի կերպով օտարվել են մասնավոր անձանց:
«Գլխավոր դատախազությունը խնդիր է դրել այդ մանկապարտեզները կամ, եթե հնարավոր չէ համարժեք տարածքները, կամ համարժեք ֆինանսական միջոցները վերադարձնել Երևանի և պետական բյուջե»,-ասաց Փաշինյանը:
Գլխավոր դատախազ Աննա Վարդապետյանը հայտնեց, որ այդ բոլոր մանկապարտեզներն այսօր արդեն չկան, քանի որ բիզնեսի տեսանկյունից արժեքավոր տեղերում են եղել և օտարվելուց հետո վերածվել են կա՛մ բարձրահարկերի, կա՛մ տնտեսվարման այլ կառույցների:
Նա նաև տեղեկացրեց, որ դրանք էժան գներով են օտարվել որոշակի շրջանակի անձանց, այդ պատճառով էլ հակակոռուպցիոն գործերի շրջանակում են քննվում և նման գործեր կան նաև մարզերում:
Փաշինյանն արձագանքեց.
«Նենց տպավորություն է, որ 500 մանկապարտեզի ծրագիր էլ դուք եք անելու ձեր ոլորտում»:
Studio One