Եղանակն՝ այսօր
Ոստիկանները բերման ենթարկեցին Փաշինյանի դեմ բողոքի ակցիա իրականացնող ադրբեջանագետին
Հանրապետության հրապարակում ադրբեջանագետ Գառնիկ Դավթյանը միայնակ իրազեկման ակցիա է իրականացրել՝ տեղեկացնելով, որ իր նպատակն է հայ ժողովրդին կոչ անել, որպեսզի ոտքի կանգնեն, չենթարկվեն թուրք-ադրբեջանական տանդեմի պահանջներին։
Նա իր հետ բերել էր մաշված աթոռ, որի վրա փակցված էր «Մահաբեր իշխանություն». ՔՊ + սիրախաղ = ցեղցասպանություն» գրությամբ պաստառ և կարմիր հետքեր։
Գառնիկ Դավթյանը լրագրողներին բացատրեց, թե ինչ է նշանակում այդ գրությունը։
«Իմ նպատակը հասարակությանը տեղեկացնելն է, որ Նիկոլ Փաշինյանի վարած քաղաքականության արդյունքում ամբողջ Հայաստանը գտնվում է կիսաարյան իրավիճակում։ Աթոռը խորհրդանշում է Փաշինյանի վարած քաղաքականության հետևանքով առաջացած Հայաստանի կարգավիճակը: Կարմիր գույնը խորհրդանշում է 44-օրյա պատերազմի արյունը: Եթե այսպես շարունակվի, շատ կարճ ժամանակում բոլորս դառնալու ենք 44-օրյա պատերազմի զոհերի շարունակությունը»,- հայտարարել է նա։
Այդ ընթացքում նրան մոտեցել են ոստիկանության աշխատակիցները և հայտնել, որ իրավունք չունի հրապարակի գորգի վրա գտնվել, քանի որ այն մեր երկրի սիմվոլն է։
Այնուհետև ոստիկաններն ադրբեջանագետին բռնի ուժով հեռացրել են ակցիայի վայրից և բերման ենթարկել։
Studio One