Եղանակն՝ այսօր
Արցախում ռուս խաղաղապահների զոհվելու գործով առաջին կասկածյալները բերման են ենթարկվել. ռուսական ԶԼՄ-ներ
Արցախում ռուս խաղաղապահների մահվան գործով առաջին կասկածյալները բերման են ենթարկվել, ադրբեջանական զինուժի կորպուսի հրամանատարը, որի ենթակաները մեղավոր են Արցախում ռուսական խաղաղապահ զորախմբի զինծառայողների մահվան համար, ազատվել է իր պարտականություններից: Ինչպես գրում է interfax.ru-ն, այս մասին հայտնել է ՌԴ ուժային կառույցում աղբյուրը։
«Հանցագործության առաջին կասկածյալները բերման են ենթարկվել»,- հավելել է գործակալության զրուցակիցը։
Նախօրեին ՌԴ ՊՆ-ն տեղեկացրել էր, որ Արցախում գնդակոծվել է ռուս խաղաղապահներին տեղափոխող ավտոմեքենան, կան զոհեր։
Հայտնի է, որ Ադրբեջանի նախագահը ներողություն է խնդրել ՌԴ նախագահ Վլադիմիր Պուտինից և ցավակցություն հայտնել ռուս խաղաղապահների զոհվելու կապակցությամբ: Ալիևը պատրաստակամություն է հայտնել ֆինանսական օգնություն ցուցաբերել զոհված ռուս խաղաղապահների ընտանիքներին
Studio One