Մենք շարունակելու ենք երկխոսությունը Փաշինյանի հետ. Կրեմլ

Հայաստանը, չնայած վարչապետի նման հայտարարություններին, մնում է Ռուսաստանի դաշնակիցը։ Այս մասին ասել է ՌԴ նախագահի մամուլի քարտուղար Դմիտրի Պեսկովը:

«Հայերը մեզ հարազատ ժողովուրդ են: Մեր երկրում ավելի շատ հայ է ապրում, քան Հայաստանում։ Մենք շարունակելու ենք կատարել մեր գործառույթները, մեր երկխոսությունը հայկական կողմի, Փաշինյանի հետ: Մենք կշարունակենք աշխատել, որպեսզի Ղարաբաղի բնակիչների բոլոր իրավունքները պահպանվեն»,- նշել  է Պեսկովը։

Նա հավելել է, որ Ռուսաստանի Դաշնությունը դեմ է տարածաշրջանում իրենց ներկայությունը հաստատելու այն երկրների փորձերին, որոնք չունեն միջնորդական ներուժ Ղարաբաղի հարցում:

Մոսկվան հուսով է, որ Ալիևի հանդիպումները, այդ թվում՝ Էրդողանի հետ, կօգնեն ապահովել անվտանգությունը և կարգավորել կյանքը Ղարաբաղում, եզրափակել է նա: