Եղանակն՝ այսօր
Դաշնակցությունը՝ ամբողջությամբ և նրա մի շարք անդամներ հավաքագրված էին ԿԳԲ-ի կողմից․ Վահագն Ալեքսանյանը մեջբերում արեց Կալուգինի գրքից
ԱԺ հայտարարությունների ժամին ՔՊ-ական պատգամավոր Վահագն Ալեքսանյանը մեջբերում արեց ԽՍՀՄ ՊԱԿ-ի առաջին գլխավոր վարչության արտաքին հակահետախուզույան նախկին պետ գեներալ Կալուգինի «Spymaster» գրքից, որտեղ խոսվում էր ՊԱԿ-ի կողմից՝ Դաշնակցության մի շարք անդամների հավաքագրելու մասին։
«Բայց հայկական Դաշնակցությունը, այն խմբավորումն էր, որում մենք ամենաշատ գործակալների ներդրումը կատարեցինք։ Դա ազգայնական խմբավորում էր և պայքարում էր Հայաստանի անկախության համար, բայց ժամանակի ընթացքում մենք այնքան գործակալներ ներդրեցինք այնտեղ, որ նրանցից ոմանք կարողացան հասնել ղեկավար պաշտոնների։
Մեզ հաջողվեց նեյտրալացնել խմբավորումը և 1980-ականներից արդեն խմբավորումը Սովետական Միության դեմ չէր պայքարում։ Կազմակերպությունը ամբողջությամբ և նրա մի շարք անդամներ հավաքագրված էին ԿԳԲ-ի կողմից»,- մեջբերեց Ալեքսանյանը՝ միաժամանակ հարց ուղղելով դաշնակցական պատգամավորներին։
«Հիմա հարց սիրելի՛ դաշնակցական ընկերներ, կոնկրետ ովքե՞ր են հավաքագրված։ Խնդրում եմ հավաքագրվածների ցուցակը ներկայացնել, որպեսզի հավաքական չանդրադառնամ, կոնկրետ հավաքագրվածներին անդրադառամ»,- ասաց Ալեքսանյանը։
Studio One