ԼՂ-ից ժամանածների թվի փոփոխություն տեղի չի ունեցել, հաշվառվել է 98,216 անձ

Այս ժամի դրությամբ՝ Լեռնային Ղարաբաղից ժամանածների թվի փոփոխություն տեղի չի ունեցել։ Այս մասին Կառավարության «Հումանիտար կենտրոնի» ճեպազրույցի ժամանակ ասաց վարչապետի մամուլի խոսնակ Նազելի Բաղդասարյանը։

Նա հիշեցրեց, որ վերջին տվյալներով՝ ՀՀ-ում է գտնվում ԼՂ-ից բռնի տեղահանված 100,632 անձ։

Այս պահի դրությամբ՝ հաշվառվել է 98,216 անձ, ինչը ԼՂ-ից ՀՀ մուտք գործած արցախցիների շուրջ 98 տոկոսն է։

«Բոլոր նրանք, ովքեր դեռ չեն հաշվառվել, պետք է ներկայանան իրենց վարչական շրջանի կամ մարզպետարանի համապատասխան անձին և անցնեն հաշվառման գործընթացը»,- նշեց Նազելի Բաղդասարյանը:

Նա նաև հայտնեց, որ ՀՀ աշխատանքի և սոցիալական հարցերի նախարարությունը 59,300 հայտ է ստացել բռնի տեղահանված անձանցից, որտեղ նշվում են նրանց առաջնային կարիքները։