Իսրայելն ու պաղեստինցիները քննարկում են իսրայելցի գերիների ու պատանդների ճակատագիրը. Al Arabiya
«Ալ-Արաբիա» համաարաբական հեռուստաընկերության տվյալներով՝ Իսրայելի և պաղեստինցի արմատականների ներկայացուցիչներն արդեն մի քանի ժամ է ինչ քննարկում են այսօրվա գործողության ընթացքում գերեվարված իսրայելցի զինվորականների և քաղաքացիական անձանց ճակատագիրը։
«Ալ-Արաբիայի» տեղեկություններով՝ շփումները ընթանում են Գազայի հատվածից ավելի քան 20 կիլոմետր հեռավորության վրա գտնվող իսրայելական Օֆակիմ քաղաքի մերձակայքում, որտեղ վաղ առավոտվանից փողոցային մարտեր էին ընթանում։










