Բիշքեկում մեկնարկել են Պուտինի և Ղրղզստանի նախագահի բանակցությունները

Բիշքեկի Ալա-Արչա պետական նստավայրում սկսել են Ղրղզստանի նախագահ Սադիր Ժապարովի և Ռուսաստանի նախագահ Վլադիմիր Պուտինի բանակցությունները։ Հանդիպմանը ներկա են երկու երկրների պատվիրակությունները։

Հանդիպմանը նախատեսվում է քննարկել երկկողմ հարաբերությունների զարգացման հարցեր քաղաքական, տնտեսական, ռազմական, մշակութային, հումանիտար և այլ ոլորտներում։ Օրակարգում է նաև մտքերի փոխանակումը միջազգային ասպարեզում արդիական խնդիրների շուրջ։

Պուտինը պաշտոնական այցով Ղրղզստան է ժամանել հոկտեմբերի 12-ի վաղ առավոտյան։