Միայն խաղաղ բանակցությունները կարող են լուծել ռուս-ուկրաինական հակամարտությունը․ Չինաստանի ԱԳ նախարար

Միայն խաղաղ բանակցությունները կարող են լուծել ռուս-ուկրաինական հակամարտությունը։ Ինչպես հայտնում է ՌԻԱ Նովոստին, այս մասին հայտարարել է Չինաստանի ԱԳ նախարար Վան Ին Պեկինում Եվրահանձնաժողովի փոխնախագահ, Արտաքին հարաբերությունների գծով բարձրագույն հանձնակատար Ժոզեպ Բորելի հետ հանդիպման ժամանակ ։

«Միայն բանակցությունների միջոցով կարելի է վերջ դնել Ուկրաինայի ճգնաժամին։ Չինաստանը չի հրաժարվի խաղաղությանն ու բանակցություններին աջակցելուց։ Մենք միշտ կանգնած ենք խաղաղության և երկխոսության կողքին», - ասել է Չինաստանի ԱԳ նախարարը։

Նրա խոսքով ՝ Չինաստանը և ԵՄ-ն պետք է համատեղ պայմաններ ստեղծեն ռուս-ուկրաինական հակամարտության քաղաքական կարգավորման համար և նպաստեն Եվրոպայում խաղաղության և կայունության վերադարձին: