Եղանակն՝ այսօր
Մարդիկ որևէ մեկի օգտին քվեարկելուց մի նպատակ են ունեցել՝ տեսնել ծաղկուն Երևան և երջանիկ երևանցի. Փաշինյան (տեսանյութ)
Նախ ուզում եմ Տիգրան Ավինյանին շնորհավորել Երևանի քաղաքապետ ընտրվելու առիթով: Սա իսկապես շատ մեծ պատասխանատվություն է:
Այս մասին այսօր Երևանի քաղաքապետի երդման արարողության ժամանակ ասել է վարչապետ Նիկոլ Փաշինյանը:
«Սա մեծ պատասխանատվություն է ոչ միայն Տիգրան ավինյանի համար, ոչ միայն «Քաղաքացիական պայմանագիր» կուսակցության համար, այլև բոլոր այն մարդկանց համար, ովքեր մասնակցել են Երևանի ավագանու ընտրություններին:
Մարդիկ որևէ մեկի օգտին քվեարկելուց մի նպատակ են ունեցել՝ տեսնել ծաղկուն Երևան և տեսնել երջանիկ երևանցի»,- ասել է նա:
Ըստ Փաշինյանի այս ընտրությունները արձանագրեցին ժողովրդավարության անշրջելիությունը Հայաստանում:
«Այս ընտրությունները ևս մեկ անգամ ցույց տվեցին մեր անբեկանելի հավատարմությունը 2018-ի ժողովրդավարական ոչ բռնի, թավշյա արժեքներին»,- ասել է նա:
Studio One