Պուտինն ու Ասադը քննարկել են իրավիճակը Գազայի հատվածում

15:41 • 16.10.23

ՌԴ նախագահ Վլադիմիր Պուտինը և Սիրիայի նախագահ Բաշար ալ Ասադը հեռախոսով քննարկել են Գազայի վրա իսրայելական հարձակումները դադարեցնելու ուղիները և ընդգծել մարդասիրական օգնության անհապաղ առաքման անհրաժեշտությունը, հայտնել է Սիրիայի նախագահի գրասենյակը։  Այս մասին գրում է  ՌԻԱ «Նովոստի»-ն:

«Նախագահներ Ասադը և Պուտինը հեռախոսազրույց են ունեցել, որի ընթացքում նրանք քննարկել են Գազայի հատվածի դեմ Իսրայելի ագրեսիան դադարեցնելու ուղիները և ընդգծել գոտու խաղաղ բնակիչներին մարդասիրական օգնության շտապ առաքման անհրաժեշտությունը», - ասվում է Ասադի գրասենյակում:

Գրասենյակը նաև հավելել է, որ նախագահները «նշել են Գազայի հատվածի իսրայելական հրթիռակոծման և նրա բնակչության տեղահանման դադարեցման անհրաժեշտությունը»։