Գազայի հատվածում զոհերի թիվը հասել է 3,478-ի, վիրավոր է ավելի քան 12,000 մարդ

Պաղեստինի առողջապահության նախարարությունն իր ֆեյսբուքյան պաշտոնական էջում հայտնել է, որ Գազայում իսրայելական հարվածների զոհերի թիվը հասել է 3,478-ի։ 

«Գազայի հատվածում կա 3,478 զոհ, ավելի քան 12,000 վիրավոր։ Հորդանան գետի արևմտյան ափին կա 62 զոհ, ավելի քան 1,300 վիրավոր», - ասված է նախարարության հաղորդագրության մեջ։

Հոկտեմբերի 7-ին ՀԱՄԱՍ-ի կողմից Իսրայելի վրա հարձակումից հետո իսրայելական կողմում կա 1,400 զոհ, առնվազն 199 մարդ պատանդ է վերցվել։