ՌԴ և Իրանի փոխարտգործնախարարները քննարկել են Անդրկովկասում տիրող իրավիճակը

20:37 • 26.10.23

Ռուսաստանի Դաշնության փոխարտգործնախարար Միխայիլ Գալուզինն իր իրանցի պաշտոնակցի՝ Ալի Բաղերի Քանիի հետ հոկտեմբերի 26-ին ունեցած հանդիպմանը քննարկել է Անդրկովկասում տիրող իրավիճակը, ինչպես նաև Ուկրաինայում հակամարտությունը։

Ինչպես հայտնում են ՌԴ Արտաքին գործերի նախարարությունից, կողմերը մտքեր են փոխանակել նաև Կենտրոնական Ասիայի հետ կապված ընթացիկ հարցերի շուրջ։

«Ըստ էության քննարկվել է Անդրկովկասում տիրող իրավիճակը։ Ընդգծվել է տարածաշրջանում իրավիճակի կայունացման համար բազմակողմ համաձայնագրերի իրականացման կարևորությունը, այդ թվում՝ հաշվի առնելով հոկտեմբերի 23-ին Թեհրանում կայացած՝ Հարավային Կովկասի համար «3+3» ձևաչափով խորհրդակցական տարածաշրջանային հարթակի նախարարական հանդիպման արդյունքները»,- ասված է ՌԴ արտաքին քաղաքական գերատեսչության տարածած հաղորդագրության մեջ: