Հայտնի է, թե ովքեր են Երևանի ավագանու խմբակցությունների ղեկավարները

10:31 • 26.10.23

Մեկնարկել է Երևանի ավագանու արտահերթ նիստը, որին մասնակցում է ավագանու 48 անդամ։

Քաղաքապետ Տիգրան Ավինյանը հայտարարել է, որ ավագանու «Քաղաքացիական պայմանագիր» խմբակցության ղեկավարը Արմեն Գալջյանն է, քարտուղարը՝ Նուարդ Վարդանյանը:

«Ազգային առաջընթաց» խմբակցության ղեկավար է ընտրվել Արամ Թորոսյանը, քարտուղար՝ Իզաբելլա Աբգարյանը։

«Հանրապետություն» խմբակցության ղեկավար է ընտրվել Անի Խաչատրյանը, քարտուղար՝ Մհեր Բեջանյանը։

«Հանրային ձայն» խմբակցության ղեկավար է ընտրվել Վահան Ավագյանը, քարտուղար՝ Վահե Եսայանը։

Հիշեցնենք, որ «Մայր Հայաստան» դաշինքը հայտարարել էր, որ չի մասնակցի ավագանու արտահերթ նիստին: