Իսրայելի քաղաքական համակարգը լիովին ավերված է․ Իրանի ԱԳ նախարար

22:37 • 27.10.23

Իրանի արտաքին գործերի նախարար Հոսեյն Ամիր Աբդոլլահիանը ամերիկյան Morning Edition ռադիոյին տված հարցազրույցում հայտարարել է, որ Իսրայելի անվտանգությունն ու քաղաքական համակարգը լիովին ավերված են, և միակ բանը, որ այժմ գործում է երկրում, զինուժն է։

«Տարածաշրջանի ներսում մեր ունեցած տեղեկությունների համաձայն՝ Իսրայելի ինչպես անվտանգությունը, այնպես էլ քաղաքական համակարգը լիովին ավերված են»,- ասել է Իրանի ԱԳ նախարարը։

Նա նաև հավելել է, որ Իսրայելի քաղաքացիներն այլևս չեն վստահում վարչապետ Բենիամին Նեթանյահուին և միակ բանը, որ այժմ աշխատում է երկրում, դրա բանակն է։