Այժմ միանգամայն ակնհայտ է, որ Ուկրաինան չի հաղթելու. Օրբան

13:42 • 27.10.23

Հունգարիայի վարչապետ Վիկտոր Օրբանն ասել է, որ իմաստ չի տեսնում հունգարացի հարկատուների գումարներն ուղղել Ուկրաինային օգնելուն, քանի որ Կիևին Եվրամիության աջակցության ռազմավարությունը ձախողվել է: Այս մասին նա ասել է Kossuth ռադիոյին տված հարցազրույցում։

«Քանի դեռ նպատակն իրական է, դրա համար կարելի է գումար տրամադրել, բայց հիմա ակնհայտ է, որ Ուկրաինան չի հաղթի։ Քաղաքական գործիչները չեն համարձակվում ընդունել, որ սխալ են»,- ընդգծել է քաղաքական գործիչը:

Հունգարիայի վարչապետը հայտարարել է երկրում ազգային կոնսուլտացիաների մասին՝ հրատապ քաղաքական հարցերի, այդ թվում՝ Ուկրաինայի վերաբերյալ քաղաքացիների աջակցությունը ստանալու նպատակով։ Նա նշել է, որ, իմանալով հասարակության դիրքորոշումը, «կառավարությունը կարող է վստահորեն պաշտպանել ազգային շահերը Բրյուսելում»։ Նրա խոսքով՝ ԵՄ ներկայիս ղեկավարությանը պետք է փոխարինել, քանի որ այն չի կարող դիմակայել ճգնաժամային իրավիճակներին։