Մեր կապվածությունը հին գույքի հետ հատուկ հետազոտության թեմա է․ Նիկոլ Փաշինյան

12:41 • 02.11.23

Կառավարության այսօրվա նիստում վարչապետ Նիկոլ Փաշինյանը խոսեց դպրոցաշինության մասին և մի քանի դիտարկում արեց։

Ըստ Փաշինյանի՝  պետք է սովորել, թե ինչպես են նոր մոդելի դպրոցները կառուցվում։

Նաև այս ամենի պատճառով է, որ ինքն այցելում է բոլոր նորակառույց դպրոցներ։

«Դպրոցներում նորամուծություն կա, որ մարզադահլիճներում լոգարան կա, որը նորմալ է, որպեսզի ֆիզկուլտուրայի դասից հետո ցնցուղ ընդունեն։

Սակայն, մեկ ցնցուղ են դնում,  և հարց է ծագում, թե երեխաներն ինչքան ժամանակ պետք է ծախսեն ցնցուղ ընդունելու համար։ Ես արդեն հանձնարարել եմ հետագա նախագծերում այդ փոփոխությունները շտկվեն»,- նշեց նա։

Փաշինյանի խոսքով՝ դպրոցների գույքի խնդրին բամիցս  անդրադարձել է, սակայն, կրկին մեկ բացթողում է  նկատել․ «Մեր կապվածությունը հին գույքի հետ հատուկ հետազոտություն անցկացնելու թեմա է, ամենայն լրջությամբ եմ ասում։

Պետք է խնդրեմ, որ դպրոցների տնօրենները և պատկան մարմինները հին գույք չօգտագործեն։

Ասենք 1979 թվականի բազկաթոռը տանել և դնել նորակառույց դպրոցի շքամուտքում, ես դա չեմ հասկանում։ Պետք է ուշադիր լինել»,- հանձնարարարեց Փաշինյանը։