Գազայի հատվածում Իսրայելի հասցրած հարվածների զոհերի թիվը գերազանցել է 9,4 հազարը

15:21 • 04.11.23

Գազայի հատվածում պաղեստինա-իսրայելական հակամարտության սրումից ի վեր գնդակոծությունների ու ռմբակոծությունների հետևանքով զոհվել է 9,488 մարդ։

Այս մասին հայտնում է ՏԱՍՍ գործակալությունը՝ Պաղեստինի առողջապահության նախարարությանը հղումով։

Նախարարության տվյալներով՝ Իսրայելի հարձակումների զոհերի թվում կա 3,900 երեխա ու դեռահաս։

Հաղորդվում է նաև, որ վերջին էսկալացիայի ընթացքում Գազայում սպանվել է 150 բուժաշխատող, ոչնչացվել` շտապօգնության 57 մեքենա։