Ռուսաստանի և Չինաստանի հարաբերությունները վստահության և հարգանքի վրա հիմնված ռազմավարական փոխգործակցության օրինակ են. Շոյգու

12:30 • 08.11.23

Ռուսաստանի և Չինաստանի միջև հարաբերությունները վստահության և հարգանքի վրա հիմնված ռազմավարական փոխգործակցության օրինակ են, հայտարարել է ՌԴ պաշտպանության նախարար Սերգեյ Շոյգուն ՉԺՀ-ի Կենտրոնական ռազմական խորհրդի փոխնախագահի հետ բանակցություններում։

Փոխանցում է «ՌԻԱ Նովոստին»:

«Մենք, ի տարբերություն որոշ ագրեսիվ արևմտյան երկրների, չենք ստեղծում ռազմական բլոկ:

Ռուսաստանի և Չինաստանի հարաբերությունները վստահության և հարգանքի վրա հիմնված ռազմավարական փոխգործակցության օրինակ են», - չորեքշաբթի օրը Մոսկվայում կայացած բանակցությունների ժամանակ ասել է Շոյգուն:

«Համոզված եմ, որ այսօրվա հանդիպումը ևս մեկ քայլ կլինի մեր երկրների և ռազմական գերատեսչությունների միջև բազմամասնագիտական կապերի խորացման ուղղությամբ», - ասել է Շոյգուն։