Բլինքենն ու Քեմերոնն ընդգծել են ԱՄՆ-ի և Մեծ Բրիտանիայի միջև հատուկ հարաբերությունների կարևորությունը

13:34 • 14.11.23

ԱՄՆ պետքարտուղար Էնթոնի Բլինքենը և Մեծ Բրիտանիայի նորանշանակ արտգործնախարար Դևիդ Քեմերոնն առաջին հեռախոսազրույցում հայտարարել են երկկողմ հարաբերությունների կարևորությունը միջազգային և տարածաշրջանային անվտանգության ամրապնդման գործում։

Այդ մասին «Արմենպրես»-ը տեղեկանում է ՏԱՍՍ գործակալությունից:

«Պետքարտուղար Բլինքենը և լորդ Քեմերոնն ընդգծել են ԱՄՆ-ի և Մեծ Բրիտանիայի հատուկ հարաբերությունների հաջորդականությունը, դրանց կարևորությունը տարածաշրջանային և գլոբալ անվտանգության համար», - հայտարարել է Պետդեպարտամենտի պաշտոնական ներկայացուցիչ Մեթյու Միլլերը:

Հաղորդագրության համաձայն՝ կողմերը քննարկել են նաև պաղեստինաիսրայելական հակամարտության, Չինաստանի հետ հարաբերությունների և Ուկրաինայի օգնության հարցերը: