Աստրախանում բնակելի շենքի մասնակի փլուզման պատճառ կարող էին դառնալ բնակարաններից մեկում իրականացված վերանորոգման աշխատանքները

00:29 • 17.11.23

ՌԴ Աստրախան քաղաքում հինգհարկանի բնակելի շենքի մասնակի փլուզման պատճառ կարող էր դառնալ բնակարաններից մեկում իրականացված վերանորոգումը։ Այս մասին հայտնում է ՌԴ քննչական կոմիտեի մարզային վարչությունը։

«Նախնական տվյալներով՝ փլուզումը տեղի է ունեցել անձը չպարզված անձանց կողմից վերոնշյալ շենքի բնակարաններից մեկում շինարարական և վերանորոգման աշխատանքների իրականացման ժամանակ, որոնց հետևանքով վնասվել են շենքի կրող կառուսատարրերը»,- ասված է գերատեսչության թելեգրամյան ալիքում հրապարակված հաղորդագրության մեջ։

Հիշեցնենք, որ Աստրախանում հինգհարկանի բնակելի շենքը մասամբ փլուզվել է, ինչի հետևանքով մի տարեց կին զոհվել է, իսկ ևս մի քանի մարդ համարվում է անհետ կորած։

Պրիվոկզալնայա փողոցում գտնվող բնակելի շենքի պատին առաջացած ճաքի մասին ՌԴ ԱԻՆ-ը հաղորդագրություն է ստացել ժամը 17։57-ին, ինչից հետո սկսվել է բնակիչների տարհանումը։ Ժամը 18։27-ին շենքի երրորդ ու չորրորդ մուտքերը փլուզվել են։

Փրկարարները շենքից տարհանել են 213 մարդու, այդ թվում՝ 37 երեխայի։ Տահանված անձանց համար դպրոցներում ժամանակավոր կացության երեք կետ է բացվել։ Դեպքի վայրում աշխատում է 176 փրկարար ու 39 միավոր տեխնիկա։

Միջադեպի փաստով քրեական վարույթ է նախաձեռնվել։