Իրանի նախագահը նամակ է գրել 50 երկրի ղեկավարի

16:42 • 20.11.23

Իրանի նախագահ Էբրահիմ Ռաիսին նամակ է գրել 50 երկրի ղեկավարի՝  կոչ անելով միավորել ջանքերը՝ Գազայի պաշարումը և Իսրայելի  հանցագործությունները դադարեցնելու համար։ Այս մասին գրում է Մեհր գործակալությունը:

Իրանի ղեկավարի նամակն ուղղված է եղել այդ թվում նաև Ռուսաստանի, Չինաստանի, Թուրքիայի, Ղազախստանի, Հարավային Աֆրիկայի, Քենիայի և Հորդանանի նախագահներին:

Ռաիսին քննադատել է Գազայի հատվածում տեղի ունեցող ողբերգական զարգացումների նկատմամբ արևմտյան որոշ կառավարությունների երկակի ստանդարտներն ու լռությունը։

Իրանի նախագահը նաև կոչ է արել երկրներին օգտագործել բոլոր հասանելի գործիքները՝ ներառյալ Իսրայելի  հետ համագործակցության դադարեցումը և առևտրային ու քաղաքական կապերը։