Ավտովթար՝ Երևանում. բախվել են Mercedes-ն ու Opel-ը

19:02 • 23.11.23

Այսօր՝ նոյեմբերի 23-ին, ավտովթար է տեղի ունեցել Երևանում։

Ժամը 15:20-ի սահմաններում Սարալանջից դեպի Ազատության պողոտա տանող ճանապարհահատվածի սկզբնամասում բախվել են Mercedes և Opel մակնիշի ավտոմեքենաները։

Shamshyan.com-ի տվյալներով, վթարի հետևանքով 1 հոգի, ով տղա երեխա է, մարմնական վնասվածքներով տեղափոխվել է հիվանդանոց։

Ըստ նախնական տեղեկությունների, վթարի մեղավորը եղել է Opel-ի վարորդը, ով Հնդկաստանի քաղաքացի է։

Նա Ազատության պողոտայով ընթանալիս է եղել դեպի Բաբայան փողոց և դուրս է եկել հանդիպակաց երթևեկելի գոտի ու բախվել Mercedes-ին։