Հոկտեմբերի 7-ից ի վեր առաջին անգամ մաքուր ջուր է մատակարարվել Գազայի հյուսիսային հատված

22:10 • 27.11.23

Պաղեստինա-իսրայելական հակամարտության վերջին սրումից ի վեր առաջին անգամ մաքուր ջուր է մատակարարվել Գազայի հյուսիսային հատված:

Ինչպես հաղորդում է ՏԱՍՍ գործակալությունը, այս մասին  հայտնել է ՄԱԿ-ի՝ Մերձավոր Արևելքում պաղեստինյան փախստականների օգնության և աշխատանքների գործակալությունը:

«Նոյեմբերի 26-ին մեր մարդասիրական օգնության շարասյունները հասան Գազայի հյուսիսային շրջաններ: ՄԱԿ-ի գործակալությունները և Պաղեստինի Կարմիր մահիկի ընկերությունը առաքեցին պատրաստի սնունդ, վրաններ, ջուր և առաջին անհրաժեշտության ապրանքներ: Սա մաքուր ջրի առաջին առաքումն էր Գազայի հյուսիսային հատվածում ապաստանած մարդկանց համար հակամարտության սկզբից ի վեր»,- ասվում է գործակալության «X» սոցցանցի միկրոբլոգումում: