Իսրայելը համաձայնել է, որ «Հեզբոլլահը» լիբանանա-իսրայելական սահմանին մի քանի դիտակետ պահպանի

20:55 • 11.12.23

Իսրայելը համաձայնել է, որ լիբանանյան շիական «Հեզբոլլահ» շարժումը մի քանի դիտակետեր պահպանի լիբանանա-իսրայելական սահմանին, գրում է ՌԻԱ Նովոստին։

Իսրայելը համաձայնել է միայն մի պայմանով, որ «Հեզբոլլահի» դիտակետերը համատեղ գործեն լիբանանյան բանակի և ֆրանսիական ուժերի հետ, որոնք, ըստ Իսրայելի, պետք է տեղակայվեն լիբանանա-իսրայելական սահմանին։

Իրավիճակը հարավային Լիբանանում սրվեց Գազայի հատվածում իսրայելական ռազմական գործողությունների մեկնարկից հետո՝ պաղեստինյան «ՀԱՄԱՍ» շարժման կողմից Իսրայելի հարավի վրա հարձակումից հետո։ Իսրայելական բանակը և լիբանանյան «Հըզբոլլահի» մարտիկները գնդակոծում են միմյանց դիրքերը սահմանամերձ շրջաններում։