Բաքվի մետրոյում կինն ընկել է ռելսերի վրա ու մահացել

09:30 • 14.12.23

Բաքվի մետրոյում մի կին ընկել է ռելսերի վրա ու մահացել: Միջադեպը տեղի է ունեցել ժամը 06:30-ի սահմանում, հայտնում են տեղի լրատվամիջոցները:

60-70 տարեկան մի կին հանկարծակի ընկել է երկաթուղու գծերի վրա: Կոնտակտային ռելսերն անմիջապես հոսանքազրկվել են:

Բժշկական խումբ է կանչվել՝ օգնություն ցուցաբերելու համար։ Կայարանի ծառայողը և ոստիկանը կնոջը բարձրացրել են գծերից, սակայն բժիշկներն արձանագրել են նրա մահը։