ՀԱՄԱՍ-ը մերժում է պատանդների ազատ արձակման վերաբերյալ ցանկացած բանակցություն, քանի դեռ Իսրայելը չի դադարեցնել ռազմական գործողությունները Գազայում
Պաղեստինյան ՀԱՄԱՍ արմատական շարժումը մերժում է Գազայի հատվածում պատանդների ազատ արձակման վերաբերյալ ցանկացած բանակցություն, քանի դեռ Իսրայելը չի դադարեցնել ռազմական գործողությունները խմբավորման դեմ։ Այս մասին հայտարարել է ՀԱՄԱՍ-ի արտասահմանյան երկրների հետ հարաբերությունների ազգային բյուրոյի ղեկավար Ալի Բարաքան, հաղորդում է Yedioth Ahronoth թերթը։
Ինչպես նշում է հրատարակությունը, Լիբանանում բնակվող Բարաքան անդրադարձել է պատանդների ազատ արձակման շուրջ բանակցություններին և ասել, որ «մի քանի առաջարկներ են արվել, սակայն իրենց դիրքորոշումը պարզ է. նախ անհրաժեշտ է դադարեցնել Իսրայելի ագրեսիան Գազայում»:
Նա հավելել է, որ «ՀԱՄԱՍ-ը մերժել է հրադադարի ցանկացած առաջարկ վերջին շաբաթներին, և դիմադրության բոլոր խմբակցությունների դիրքորոշումն այս հարցում միասնական է. ագրեսիան պետք է դադարեցվի, անցակետերը բացվեն, վիրավորները պետք է դուրս բերվեն»։










