2023-ի հիմնական նպատակն էր խափանել Ուկրաինայի հակահարձակումը. Շոյգու

16:32 • 26.12.23

ՌԴ պաշտպանության նախարար Սերգեյ Շոյգուն հայտարարել է, որ 2023 թվականի հատուկ ռազմական գործողության հիմնական խնդիրը հաջողությամբ իրականացվել է. խոսքը Ուկրաինայի զինված ուժերի հակահարձակումը խափանելու մասին է, գրում է kommersant.ru-ը:

«Անցնող տարում հիմնական ջանքերը ուղղված էին հատուկ ռազմական գործողության նպատակներին հասնելուն։ Հիմնականը խափանելն էր ուկրաինական զինված ուժերի հակահարձակումը, որի մասին այդքան հայտարարում էին Ուկրաինան և ՆԱՏՕ-ի նրա դաշնակիցները։ Այս առաջադրանքը հաջողությամբ կատարվել է», - ասել է Սերգեյ Շոյգուն համաժողովի ժամանակ: