Բայրամովն ընդունել է Ֆրանսիայի կողմից «պերսոնա նոն գրատա» հայտարարված Ադրբեջանի դեսպանատան աշխատակիցներին

17:17 • 30.12.23

2023 թվականի դեկտեմբերի 30-ին Ադրբեջանի Հանրապետության արտաքին գործերի նախարար Ջեյհուն Բայրամովն ընդունել է Ադրբեջանի դեսպանատան աշխատակիցներին, որոնք դեկտեմբերի 27-ին Ֆրանսիայի կողմից առանց որևէ պատճառաբանության հայտարարվել են «պերսոնա նոն գրատա»։

Ինչպես տեղեկանում ենք ԱՊԱ-ից, այս մասին հայտնել են Ադրբեջանի ԱԳՆ-ից:

«Ֆրանսիայի կողմից այս անհիմն քայլը հերթական հարվածն էր Ադրբեջանի և Ֆրանսիայի միջև երկկողմ հարաբերություններին։

Երկկողմ հարաբերություններում լարվածության պատճառը ֆրանսիական կողմն է, որը, դրսևորելով կողմնակալ դիրքորոշում մեր երկրի նկատմամբ, ձեռնարկում է ոչ խելամիտ քայլեր»,- ասված է հայտարարության մեջ։